A primeira etapa do 9º Repsol Eco Rallye A Coruña sae de María Pita rumbo ao Obradoiro

Máis de cincuenta vehículos tomaron a saída desde primeiras horas da mañá na praza de María Pita, rumbo a Santiago de Compostela, cunha parada intermedia en Santa Comba.

Con este arranque dá comezo a segunda edición consecutiva desta proba como cita puntuable para a Bridgestone FIA Eco Rallye Cup. Ao longo da xornada, os participantes percorrerán 332 dos 574 quilómetros totais da competición, a máis extensa ata o de agora, atravesando un total de 39 concellos.