Un Eco-Rallye é un test de condución de regularidade puntuable para o Campionato de España de Rallyes de Enerxías Alternativas. O obxectivo dos Eco-Rallyes é promover vehículos fabricados con novas tecnoloxías e deseñados para aforrar enerxía e emitir a menor cantidade posible de substancias contaminantes e CO2. Así mesmo, outro dos seus obxectivos é animar aos pilotos para cambiar os seus hábitos de condución, dando prioridade á protección do medio ambiente e á sustentabilidade do sector do transporte mediante o uso de combustibles alternativos e de electricidade como fontes de enerxía para propulsar os vehículos.
A parte principal da competición é a avaliación da capacidade dos participantes para conducir durante todo o itinerario valéndose dos seus mellores técnicas de eco-condución e tentando consumir a menor cantidade posible de enerxía. É tamén un foro para os fabricantes, onde poden probar e mostrar as novas tecnoloxías que desenvolveron para consumir menos enerxía. Para manter a igualdade nas condicións de participar, esíxese aos participantes respectar con precisión os tempos establecidos pola organización. Para iso establécense unha serie de «tempos ideais» consecutivos para medir o movemento dos coches dun control horario a outro e tamén para medir a súa capacidade de conducir a través de todos os tramos de regularidade cunha velocidade constante e precisa.
ECORALLYE A CORUÑA: 7 anos de evolución
Detrás destes 7 anos de vida que ten o EcoRallye Coruña está Escudería La Coruña, unha escuadra con máis de 50 anos evolución constante, de adaptación aos novos tempos e de afán por permanecer na vangarda do automobilismo nacional e europeo.
Este carácter proactivo levou ao EcoRallye da Coruña, a crecer ano tras ano desde 2016, tanto en número de participantes, como en calidade e repercusión mediática.
Única proba en Galicia destas características
Referente de toda a zona Noroeste
